torsdag 21. august 2008

Eg, nostalgisk?

Året var 1871. Henrik Olason var 21 år.
Skal tru om han tenkte noko om korleis historia til huset skulle verte? At tipp-tipp-oldebarna hans skulle leve innanfor dei same veggane som han var med på å røyse?

No er huset noko endra sidan 1871, men det står på dei same murane, og dei gamle tømmerveggane er bortimot uendra.
"Slekt skal følge slekters gang..."
Eg kjenner meg heldig som får bu i eit hus med sjel. Spesielt er det sjølvsagt sidan det er mine forfedrar som har budd her i generasjonar.
Då vi heldt på med oppussinga for 4-5 år sidan, hadde eg ikkje planar om å ha ein slik ane-vegg. Men etter at vi flytta inn og eg fekk tenke litt på det, kom eg til at det ville vere kjekt å ha!
Alle bileta, med rammer, hadde eg liggande i ein gammal kommode som tilhøyrde mine oldeforeldre, så det var berre for meg å henge dei rett opp på veggen. Dekorativt vart det!

2 kommentarer:

joanna sa...

Så koseleg med ein slik vegg! Eg synest det er kjempe fint at du henger opp bileta på veggen din.

For tida prøver eg å samle opp bilete av mine besteforeldre og oldeforeldre og rame dei inn. Men ting tar tid ;O)

Ha ei fin helg :O)

M.E.V. foto sa...

Fin vegg! Har nokre gamle bilder liggande eg og, kanskje dei kjem opp på veggen min og etterkvart...